పాలకుర్తి : లక్ష్మి నరసింహ స్వామి ఆలయంలో భక్తుల సందడి

జనగాం జిల్లా పాలకుర్తి మండల కేంద్రంలోని శ్రీ చండిక సమేత సోమేశ్వర లక్ష్మి నరసింహ స్వామి ఆలయంలో కార్తీక మాస ఉత్సవాల్లో భాగంగా శనివారం సోమేశ్వర స్వామికి అభిషేకాలు అర్చన నిర్వహించారు. ఆలయంలో కార్తీక దీపాలు వెలిగించి మొక్కలు చెల్లించుకున్నారు. ఈ సందర్భంగా దీపోత్సవంలో పాల్గొన్న మహిళలకు ప్రమిదలు నూనె, ఒత్తులు, పసుపు కుంకుమ, గాజులు జాకెట్ ముక్క, పండ్లు తాంబూలం, స్వామివారి ప్రసాదం వాయినంగా అందించారు.