తిరుమలలో కూలిన భారీ వృక్షం

తిరుమలలో శనివారం సాయంత్రం భారీ వృక్షం నేలకూలి మహిళకు తీవ్ర గాయాలయ్యాయి. శేషాద్రి నగర్‌ 305వ కాటేజీ వద్ద ఈ ప్రమాదం చోటు చేసుకుంది. గాయపడిన మహిళ చెన్నైకి చెందిన ఉమామహేశ్వరి(44)గా గుర్తించారు. తిరుపతి స్విమ్స్‌ ఆసుపత్రికి తరలించి చికిత్స అందిస్తున్నారు. వాయుగుండం ప్రభావంతో తిరుమలలో బలమైన ఈదురుగాలులు వీస్తున్నాయని, భక్తులు సురక్షిత ప్రాంతాల్లో ఉండాలని తితిదే అధికారులు విజ్ఞప్తి చేశారు.