అనంతపురం: హంతకులను త్వరలోనే పట్టుకుంటాం

మహిళ హత్య హంతకులను త్వరలోనే పట్టుకుంటామని అనంతపురం జిల్లా ఎస్పీ జగదీశ్ చెప్పారు. అనంతపురం మండలం ఎర్రనేల కొట్టాలలో నాగమణి అనే మహిళ దారుణ హత్యకు గురవ్వగా ఘటనా స్థలాన్ని ఆయన ఆదివారం పరిశీలించారు. ఘటనపై కేసు నమోదు చేశామని, వివిధ కోణాల్లో దర్యాప్తు చేస్తున్నట్లు చెప్పారు. త్వరలోనే నిందితులను పట్టుకుంటామని స్పష్టం చేశారు.