తాడిపత్రిలో కుక్కల బీభత్సం.. యువతికి తీవ్ర గాయాలు
తాడిపత్రిలో వీధి కుక్కలు బీభత్సం సృష్టిస్తున్నాయి. పట్టణ పరిధిలోని శ్రీ బుగ్గ రామలింగేశ్వరస్వామి క్షేత్రానికి తెల్లవారుజామున వెళుతున్న సందర్భంలో పుట్లూరు రోడ్డులో జయశ్రీ అనే యువతిపై వీధి కుక్కలు ఒక్కసారిగా దాడికి ప్రయత్నించాయి. వీధి కుక్కల నుంచి తప్పించుకునే ప్రయత్నంలో జయశ్రీ బైక్ లో ఎదురుగా ఉన్న స్తంభాన్ని ఢీకొట్టింది. జయశ్రీకి తీవ్ర గాయాలు కావడంతో అనంతపురానికి తరలించారు.
