కళ్యాణదుర్గం: గాయత్రీదేవి అలంకారంలో కన్యకాపరమేశ్వరీదేవి

కళ్యాణదుర్గం పట్టణంలో వెలసిన శ్రీ వాసవి కన్యకా పరమేశ్వరి దేవి దేవాలయంలో శరన్నవరాత్రి ఉత్సవాలలో భాగంగా సోమవారం శ్రీ గాయత్రీదేవి అలంకారంతో భక్తులకు దర్శనమిచ్చారు. ఈ సందర్భంగా మహిళలు అష్టోత్తర, లలితా సహస్ర నామాలతో కుంకుమార్చన పూజలు చేసి మంగళ హారతులిచ్చారు. అర్చకులు భక్తులకు తీర్థ ప్రసాదాలు అందజేశారు. ఈ కార్యక్రమంలో ఆర్యవైశ్య మహిళలు, భక్తులు అధిక సంఖ్యలో పాల్గొన్నారు.