ఉరవకొండ: అప్పుల బాధతో రైతు ఆత్మహత్య

ఉరవకొండ మండలం ఆమిద్యాల గ్రామంలో గురువారం రాత్రి విషాదం చోటుచేసుకుంది. గ్రామానికి చెందిన వెంకటేశ్ (51) అనే రైతు ఉరివేసుకొని ఆత్మహత్య చేసుకున్నారు. వెంటనే గమనించిన కుటుంబ సభ్యులు హుటాహుటిన ఉరవకొండ ప్రభుత్వ ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. పంట దిగుబడిలో నష్టాలు రావడంతో పాటు చేసిన అప్పులు పెరిగిపోవడంతో జీవితంపై విరక్తి చెంది ఈ ఘటనకు పాల్పడ్డారు.