ప్రొద్దుటూరు: అగ్ని ప్రమాదాలపై అవగాహన

అగ్ని ప్రమాదాలపై ప్రతి ఒక్కరు అవగాహన కలిగి ఉండాలని జిల్లా అగ్నిమాపక అసిస్టెంట్ అధికారి రఘునాథ్ పేర్కొన్నారు. సోమవారం ప్రొద్దుటూరులో నెహ్రూ యువ కేంద్రం, వికసిత ఫౌండేషన్ ఆధ్వర్యంలో ఎస్వీ డిగ్రీ కాలేజీలో విద్యార్థులకు ప్రకృతి విపత్తులు, అగ్ని ప్రమాదాలపై అవగాహన సదస్సు నిర్వహించారు. గ్యాస్ సిలిండర్ల ద్వారా ప్రమాదాలు జరిగినప్పుడు మంటలను ఎలా అదుపు చేయాలి, తీసుకోవాల్సిన జాగ్రత్తలను రఘునాథ్ వివరించారు.