ఏపీలో దారుణం.. కొడుకును హత్య చేయించిన తండ్రి

ఏపీలో కొడుకు వేధింపులు భరించలేక సుపారీ ఇచ్చి తండ్రే హత్య చేయించిన ఘటన వెలుగులోకి వచ్చింది. అన్నమయ్య జిల్లా మామిడి గుంపలపల్లెకు చెందిన సోమశేఖర రెడ్డి వేధింపులు భరించలేక పదేళ్ల క్రితం అతని భార్య, ఐదేళ్ల కుమారుడు ఆత్మహత్య చేసుకున్నారు. ఈ కేసులో జైలు శిక్ష అనుభవించి బయటకు వచ్చాక కూడా అతని ప్రవర్తనలో మార్పు రాలేదు. దీంతో తండ్రి గంగులరెడ్డి అమర్, రమేష్ అనే ఇద్దరితో రూ.40 వేలకు ఒప్పందం కుదుర్చుకుని కొడుకును చంపించాడు. అడవిలోకి తీసుకెళ్లి మద్యం తాగించి హత్య చేశారు.