బైకర్‌ను ఢీకొట్టి 30 కిలోమీటర్లు ఈడ్చుకెళ్లిన డిప్యూటీ తహసీల్దార్ కారు

యూపీలోని బహ్రాయిచ్‌ జిల్లాలో గురువారం దారుణ ఘటన జరిగింది. డిప్యూటీ తహసీల్దార్ ప్రయాణిస్తున్న వాహనం బైకర్‌ను ఢీకొట్టి 30 కి.మీ ఈడ్చుకెళ్లింది. ఈ ఘటనలో బైకర్ నరేంద్రకుమార్ హల్దార్ (35) అనే వ్యక్తి మృతి చెందాడు. నాన్‌పారా-బహ్రాయిచ్ రహదారిపై డిప్యూటీ తహసీల్దార్ శైలేశ్ అవస్థి ప్రయాణిస్తున్న కారు అదుపుతప్పి బైకర్‌ను ఢీకొట్టింది. దీంతో నరేంద్ర కారు కింద చిక్కుకుపోయాడు. అది గమనించని కారు డ్రైవర్ మేరజ్ అహ్మద్ అలాగే నడుపుకుంటూ 30 కిలోమీటర్లు ప్రయాణించాడు.