చీరాల: తహసీల్దార్ ను బెదిరించిన వ్యక్తిపై కేసు నమోదు

ఇసుక అక్రమ తవ్వకాలను అడ్డుకున్న వేటపాలెం తహసీల్దార్ పార్వతితో గొడవ పడిన వ్యక్తిపై కేసు నమోదు చేసినట్లు ఎస్సై వెంకటేశ్వర్లు బుధవారం తెలిపారు. పట్టా భూముల్లో ఇసుక తవ్వుతున్నారని ఫిర్యాదు రాగా అక్కడికి వెళ్లిన తహసీల్దార్ తో అశోక్ అనే వ్యక్తి బెదిరింపు ధోరణిలో మాట్లాడాడు. దీంతో తహసీల్దార్ పార్వతి తన విధులకు అశోక్ ఆటంకం కలిగించాడని పోలీసులకు ఫిర్యాదు చేయగా కేసు నమోదు చేసినట్లు ఎస్సై వివరించారు.