టీడీఆర్‌ బాండ్ల కుంభకోణంపై బుద్దా వెంకన్న ఫిర్యాదు

వైసీపీ ప్రభుత్వంలో టీడీఆర్‌ బాండ్లలో అనేక కుంభకోణాలు జరిగాయని టీడీపీ సీనియర్‌ నేత బుద్దా వెంకన్న ఆరోపించారు. రూ.వేల కోట్లు దోచుకున్నట్లు ఆధారాలు ఉన్నాయని చెప్పారు. ఈ కుంభకోణంపై విచారణ చేసి చర్యలు తీసుకోవాలని ఆయన డీజీపీని కోరారు. వైఎస్‌ సీఎంగా ఉన్నప్పుడు జగన్‌ రూ.42వేల కోట్లు దోచుకున్నారని ధ్వజమెత్తారు. జగన్‌ సీఎం అయ్యాక ఇసుక, గనులు, మద్యం, భూముల మీద దోపిడీ చేశారని బుద్దా వెంకన్న మండిపడ్డారు.