కార్వేటినగరం: దీపావళి సందర్భంగా మండలంలో ఆస్థానం కార్యక్రమం

గంగాధర నెల్లూరు నియోజకవర్గం, కార్వేటి నగరం మండలంలోని రుక్మిణి సత్య భామ సమేత వేణుగోపాల స్వామి వారి ఆలయంలో గురువారం దీపావళి ఆస్థానం నిర్వహించనున్నట్లు ఆలయ అధికారులు బుధవారం తెలిపారు. ఈ సందర్భంగా వారు మాట్లాడుతూ ఉదయం 6 నుంచి 6. 15 వరకు సుప్రభాతం, 6. 15 నుంచి 7. 30 వరకు శుద్ధి, తోమాల, కొలువు అనంతరం సాయంత్రం ఐదు గంటల నుంచి 5. 30 వరకు దీపావళి ఆస్థానం, 5. 30కు తిరువీధి ఉత్సవం నిర్వహించనున్నట్లు వెల్లడించారు.