రాజోలు: వాతవరణ మార్పులతో రైతులు ఆందోళన
రాజోలు నియోజకవర్గంలో సోమవారం వాతవరణ మార్పులతో రైతులలో ఆందోళన నెలకొంది. మూడు మండలాల్లో 8650 ఎకరాల్లో సార్వా సాగు చేశారు. ఇప్పటికీ 30 శాతం కోతలు పూర్తి అయ్యాయి. సార్వా సాగు చేసిన రైతులు పంట ఒబ్బిడి చేసుకోవడానికి పరుగులు పెడుతున్నారు. కోసిన పంటలు ఒక పక్క కళ్ళాల్లోనే ఉండటంతో వాటిని ఆరబెట్టుకునే ప్రయత్నాలు చేస్తున్నారు. ఈ దశలో ఏమాత్రం గాలులు వీచినా, వర్షం పడినా నష్టపోతామని రైతులు అంటున్నారు.
