తణుకు అన్న క్యాంటీన్‌పై తప్పుడు ప్రచారం: మంత్రి నారాయణ

తణుకు అన్న క్యాంటీన్‌లో శుభ్రత పాటించడం లేదన్న ప్రచారంపై మంత్రి నారాయణ ఆరా తీశారు. ఈ మేరకు హరేకృష్ణ మూమెంట్ ప్రతినిధులు, అధికారుల నుంచి వివరాలు తెలుసుకున్నారు. ప్లేట్లను మురికినీటిలో కడుగుతున్నారనేది పూర్తిగా అవాస్తవమని అధికారులు మంత్రికి వివరించారు. వాష్ బేసిన్‌లోని ప్లేట్లు తీస్తుంటే వీడియో తీసి తప్పుడు ప్రచారం చేస్తున్నారని వెల్లడించారు. దీనిపై మంత్రి మాట్లాడుతూ.. సోషల్ మీడియాలో పెట్టిన వీడియో వాస్తవం కాదని, తణుకు అన్న క్యాంటీన్లపై తప్పుడు ప్రచారం చేస్తున్నారని తెలిపారు.