నేటి నుంచి మిర్చి యార్డులో క్రయవిక్రయాలు

గుంటూరు మిర్చి మార్కెట్ యార్డులో సోమవారం నుంచి యథావిధిగా మిర్చి క్రయవిక్రయాలు జరుగుతాయని మార్కెట్ యార్డు కార్యదర్శి ఐ. వెంకటేశ్వరరెడ్డి తెలిపారు. ఎండ తీవ్రత కారణంగా మే నెల 11 నుంచి జూన్ 9 వరకు యార్డుకు సెలవులు ప్రకటించామని, సుమారు నెల రోజుల అనంతరం యార్డులో క్రయవిక్రయాలకు అనుమతిచ్చినట్లు వెల్లడించారు. మిర్చి రైతులు తమ సరుకును ఆదివారం నుంచి అమ్మకాలకు ఏర్పాట్లు చేసినట్లు పేర్కొన్నారు.