వర్షానికి కూలిపోయిన మట్టి మిద్దె

మాచర్ల మండలంలోని కంభంపాడు గ్రామానికి చెందిన గాంతి అన్నపూర్ణ మట్టి మిద్దె శుక్రవారం తెల్లవారుజామున కురిసిన వర్షానికి నాని ఆకస్మికంగా కూలిపోయింది. ఇది గమనించిన అన్నపూర్ణమ్మ, భర్త పెద్దిరెడ్డి, కుమారుడు కృష్ణారెడ్డి బయటకు పరుగులు తీశారు. ఇంట్లోని వస్తువులు, బియ్యం, దుస్తులపై మట్టి పడటంతో వారు కట్టుబట్టలతో నిలిచారు. అధికారులు ఆదుకోవాలని కోరారు.