రేపల్లె మండలంలో మద్యం విక్రయిస్తున్న వ్యక్తి అరెస్ట్

అక్రమంగా మద్యం విక్రయిస్తున్న వ్యక్తిని రేపల్లె ప్రొహిబిషన్, ఎక్సైజ్ పోలీసులు అరెస్టు చేశారు. రేపల్లె రూరల్ మండలం కారుమూరు గ్రామంలోని బస్సు షెల్టర్ సమీపంలో అక్రమంగా మద్యం విక్రయిస్తున్నారన్న సమాచారంతో సిఐ ఆర్. దివాకర్ ఆధ్వర్యంలో ఎక్సైజ్ పోలీసులు దాడులు నిర్వహించారు. ఈ దాడుల్లో మద్యం అమ్ముతున్న సమ్మెట వెంకటరావును అదుపులోకి తీసుకొని అతను వద్దనుండి 10 క్వార్టర్ బాటిళ్ల మద్యాన్ని స్వాధీనం చేసుకున్నారు.