ఏపీలో భారీ వర్షాలు

ఏపీని ఫెంగల్ తుఫాన్ వీడలేదు. అల్పపీడనం తుఫానుగా మారి తీరం దాటినప్పటికీ పలు జిల్లాల్లో భారీ వర్షాలు పడుతూనే ఉన్నాయి. ప్రకాశం, నెల్లూరు, చిత్తూరు, అన్నమయ్య, వైఎస్సార్ జిల్లాల్లో ఉదయం నుంచి భారీ వర్షం కురుస్తోంది. కొన్ని ప్రాంతాల్లో ఓ వైపు వర్షం కురుస్తుండగా మరోవైపు ఎండ కాస్తుంది. మళ్లీ భారీ వర్షం పడుతుండటంతో రైతులు ఆవేదన వ్యక్తం చేస్తున్నారు. ఇప్పటికే వరి, పొగాకు పొలాలు నీట మునిగాయి.