ఫ్యాన్స్‌ గల్లంతు!

ఫ్యాన్‌ గాలి మారింది..రెక్కలు ఒక్కొక్కటిగా ఎగిరిపోతున్నాయి.. జిల్లాలో వైసీపీ ఖాళీ అయి పోతుంది.. ఇప్పటికే రెండు నియోజకవర్గాల్లో ఫ్యాన్‌ రెక్కలు విరిగిపడ్డాయి. మిగిలిన నియోజక వర్గాల్లోనూ అదే పరిస్థితి ఉంది. అవకాశం వస్తే జారుకునేందుకు నేతలు సిద్ధంగా ఉన్నారు. ఈ నేపథ్యంలో జిల్లాలో వైసీపీ డీలా పడింది. ప్రముఖ పారిశ్రామికవేత్త,గత వైసీపీ ప్రభుత్వంలో సలహాదారుగా వ్యవహరించిన ఎస్‌.రాజీవ్‌కృష్ణ టీడీపీలో చేరడంతో అంచనాలు తారుమారయ్యాయి.