గోగినేనిపాలెం హైస్కూల్ విద్యార్థులకు ఉచిత బస్ పాస్ ల పంపిణీ

గోగినేనిపాలెం జిల్లా పరిషత్ ఉన్నత పాఠశాలలో 6 నుండి 10వ తరగతి వరకు చదువుతున్న 100 మంది విద్యార్థులకు, ఏ. పి. ఎస్. ఆర్టిసి అవనిగడ్డ డిపో ఉచిత బస్ పాస్‌లు అందజేసింది. పాఠశాల ప్రధానోపాధ్యాయుడు తమ్మన వేణుగోపాలరావు సోమవారం ఈ పాస్‌లు విద్యార్థులకు అందించారు. ఈ సందర్భంగా అవనిగడ్డ డిపో అధికారులకు కృతజ్ఞతలు తెలిపారు. కార్యక్రమంలో పాఠశాల సిబ్బంది, సీనియర్ ఉపాధ్యాయులు, విద్యార్థులు పాల్గొన్నారు.