పెద్దకడబూరు: అంబేద్కర్ విగ్రహం వద్ద పారిశుద్ధ్య లోపం

పెద్దకడబూరు గ్రామంలోని ఎస్సీ కాలనీలో డాక్టర్ బీఆర్ అంబేద్కర్ విగ్రహం వద్ద పారిశుద్ధ్యం పూర్తిగా లోపించినా గ్రామ పంచాయతీ పట్టించుకోవడం లేదని స్థానికులు ఆరోపిస్తున్నారు. అంబేద్కర్ విగ్రహం ముందు డ్రైనేజీ సక్రమంగా లేకపోవడంతో మురుగునీరు నిల్వ ఉండి చెత్తాచెదారంతో నిండి పోయిందన్నారు. దీంతో ఇక్కడ కంపువాసన కొడుతున్నా పట్టించుకొనే నాథుడే కరువయ్యారని కాలనీవాసులు ఆదాం, రవి కుమార్, జయరాజు శుక్రవారం తెలిపారు.