నెల్లూరు నగరంలో దారుణ హత్య

నెల్లూరు నగరంలోని అయ్యప్ప గుడి వద్ద గురువారం సాయంత్రం దారుణ హత్య చోటు చేసుకుంది. బాబు ఆటో వర్క్స్ యజమాని పఠాన్ బాబు అక్కడే మెకానిక్ గా పని చేస్తున్న షేక్ ముక్తియార్ (మోటు) అనే వ్యక్తిపై రాడ్డుతో దాడి చేయడంతో అక్కడికక్కడే చనిపోయాడు. ఇద్దరి మధ్య వ్యక్తిగత విభేదాల వల్ల ఈ హత్య జరిగినట్లు తెలుస్తోంది. స్థానిక పొలీసులు సంఘటన స్థలానికి చేరుకొని కేసు నమోదు చేసి దర్యాప్తు చేస్తున్నారు.