విద్యుత్ షాక్ తో గేదె మృతి

ప్రకాశం జిల్లా కొమరోలు మండలం అల్లినగరం గ్రామంలో సోమవారం విద్యుత్ షాక్ తో గేదె మృతి చెందిన సంఘటన చోటు చేసుకుంది. స్థానిక రైతు గేద మేత మేసేందుకు విడిచిపెట్టాడు. ఈ క్రమంలో మేతమేస్తున్న గేదె రోడ్డు పక్కనే ఉన్న విద్యుత్ వైర్లను తాకింది. గేదె అక్కడికక్కడే మృతి చెందింది. మృతి చెందిన గేద విలువ 65 వేల రూపాయల వరకు ఉంటుందని బాధిత రైతు వెల్లడించాడు. ప్రభుత్వమే ఆదుకోవాలని కోరుకుంటున్నాడు.