కనిగిరి: సృష్టికి మూలమైన మహిళా మూర్తిని గౌరవించాలి

సృష్టికి మూలమైన మహిళ మూర్తిని గౌరవించాలని ఆర్డీవో కేశవరెడ్డి తెలిపారు. అంతర్జాతీయ మహిళా హింస వ్యతిరేక దినోత్సవం సందర్భంగా సోమవారం కనిగిరిలోని మున్సిపల్ కార్యాలయంలో పోలీసు శాఖ, మహిళా అభివృద్ధి శిశు సంక్షేమ శాఖ ఆధ్వర్యంలో అవగాహన సదస్సును నిర్వహించారు. ఆర్డీవో ముఖ్య అతిథిగా పాల్గొన్నారు. ఈ సందర్భంగా ఆర్డీవో మాట్లాడుతూ మహిళలపై జరిగే హింసను అరికట్టడంలో ప్రతి ఒక్కరు భాగస్వాములు కావాలని కోరారు.