నా గెలుపుకు కాపులు విశేషంగా కృషి చేశారు: కావలి ఎమ్మెల్యే
సంవత్సరం లోపు కాపు భవనాన్ని నిర్మిస్తానని, భవన నిర్మాణానికి రూ. 25 లక్షలు ఆర్ధిక సహాయం చేస్తానని కావలి ఎమ్మెల్యే క్రిష్ణారెడ్డి తెలిపారు. ఆదివారం కావలి పట్టణంలోని పెంకుల ఫ్యాక్టరీ సమీపంలోని ఒక కల్యాణ మండపంలో జరిగిన కాపుల కార్తీక వన భోజన మహోత్సవ కార్యక్రమంలో ఎమ్మెల్యే పాల్గొన్నారు. ఎమ్మెల్యే మాట్లాడుతూ గత ఎన్నికల్లో ఎమ్మెల్యేగా నేను గెలుపొందటానికి కాపులు విశేషంగా కృషి చేశారని తెలిపారు.
