యాడికి: నలుగురిపై కేసు నమోదు

అన్నదమ్ముల కుటుంబ సభ్యులు ఘర్షణకు పాల్పడిన ఘటనకు సంబంధించి నలుగురిపై మంగళవారం యాడికి పోలీసులు కేసు నమెదు చేశారు. కోనఉప్పలపాడులో సంజీవరాయుడుకు, అతని అన్న కొడుకుల మధ్య పొలం విషయంపై తగాదా ఉంది. దీనిపై సోమవారం వాదనలు చేసుకున్నారు. ఈ క్రమంలో సంజీవరాయుడిపై ఆగ్రహం వ్యక్తం చేస్తూ వీరయ్య, బాలు, పుల్లయ్య, సంజీవరాయుడు కలిసి దాడి చేశారు. ఈఘటనలో గాయపడిన సంజీవరాయుడు మంగళవారం ఫిర్యాదు చేయడంతో నలుగురిపై కేసు నమోదు చేసినట్లు పోలీసులు చెప్పారు.