రణస్థలం: ప్రభుత్వ జూనియర్ కళాశాల విద్యార్థి ప్రతిభ

రణస్థలం ప్రభుత్వ జూనియర్ కళాశాల విద్యార్థి పవన్ సాయి పెన్కాక్ సి లాట్ జాతీయ ఛాంపియన్షిప్ పోటీల్లో కాంస్య పతకం సాధించారు. జమ్ము అండ్ కాశ్మీర్ లో ఇటీవల ఈ ఛాంపియన్ షిప్ పోటీలు నిర్వహించారు. ప్రభుత్వ జూనియర్ కళాశాల ప్రిన్సిపల్ తో పాటు స్థానిక కళాశాల అధ్యాపకులు మంగళవారం విద్యార్థిని అభినందించారు. గతంలో ఈ విద్యార్థి రాష్ట్ర స్థాయిలో బంగారు పతకం సాధించాడని వారు తెలిపారు.