నందిగాం: పెచ్చులూడి పడుతున్న పాఠశాల భవనం

నందిగాం మండలం కాశిరాజుకాశీపురం ప్రాథమిక పాఠశాల భవనం శిథిలావస్థకు చేరుకుంది. పాఠశాల భవనం పైకప్పు పెచ్చులూడి పడుతుండటంతో ఎప్పుడు, ఎలాంటి ప్రమాదం జరుగుతుందోనని ఉపాధ్యాయులు, విద్యార్థులు ఆందోళన వ్యక్తం చేస్తున్నారు. బడికి పిల్లలను పంపించేందుకు తల్లిదండ్రులు భయపడుతున్నారు. అధికారులు స్పందించి తగిన చర్యలు తీసుకోవాలని కోరుతున్నారు. పరిస్థితిని జిల్లా అధికారులకు నివేదించాలని ఎంఈఓ జి. నరసింహులను కోరారు.