అనంతపురంలో తీవ్ర ఉద్రిక్తత

అనంతపురం జిల్లా డి.హీరేహాల్ మండలంలో ఉద్రిక్తత చోటు చేసుకుంది. సిద్ధాపురం తాండలో తాగునీటి కోసం టీడీపీ, వైసీపీ నాయకుల మధ్య ఘర్షణ జరిగింది. శుద్ధ జల ప్లాంట్ వద్ద తాగునీరు పట్టుకుంటూ మహిళలు గొడవపడ్డారు. మహిళల గొడవలో వైసీపీ నాయకులు జోక్యం చేసుకున్నారు. వారిని అడ్డుకోవడానికి టీడీపీ తాండ నాయకులు వచ్చారు. టీడీపీ వర్గీయులపై వైసీపీ నేతలు దాడి చేశారు. ఈ దాడిలో ఆరుగురు టీడీపీ నాయకులు గాయపడ్డారు. ఇరు వర్గాలపై డి.హీరేహాల్ పోలీసులు కేసు నమోదు చేశారు.