నాకు ఎంతో ఇష్టమైన కార్యక్రమం ఇది: సీఎం చంద్రబాబు

తనకు ఎంతో ఇష్టమైన కార్యక్రమం వన మహోత్సవమని సీఎం చంద్రబాబు తెలిపారు. మంగళగిరిలో వన మహోత్సవ కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ 'వనమహోత్సవం ఎంతో మహత్తరమైన కార్యక్రమం. ఏ పని చేసినా పిల్లల భవిష్యత్తును దృష్టిలో పెట్టుకుంటాం. పచ్చదనం ఆవశ్యకతను విద్యార్థులంతా గ్రహించాలి. రాష్ట్రంలో పచ్చదనం 50 శాతానికి పెరగాలి. ప్రతి ఒక్కరూ ఏటా రెండు మొక్కలు నాటాలి' అని చంద్రబాబు పిలుపునిచ్చారు.