సైబర్ నేరాలు, మహిళా భద్రతపై కార్మికులకు అవగాహన

సత్యవేడు శ్రీసిటీ పోలీసు శాఖ ఆధ్వర్యంలో మంగళవారం సాయంత్రం స్థానిక వెర్మీరిన్ పరిశ్రమ ఆవరణలో కార్మికుల అవగాహన కార్యక్రమం నిర్వహించారు. ఇందులో సైబర్ క్రైమ్, రోడ్డు ప్రమాదాలు, మహిళా భద్రత, స్నాచింగ్ ఇతరత్రా నేరాల గురించి కార్మికులకు అవగాహన కల్పించారు. నేరాల బారిన పడకుండా తీసుకోవాల్సిన జాగ్రత్తలను సూచించారు. ఈ కార్యక్రమంలో శ్రీసిటీ డీఎస్పీ జీవీఎస్ పైడేశ్వరరావు, సిఐ బి. వి. శ్రీనివాసులు పాల్గొన్నారు.