శాంతి భద్రతల పరిరక్షణలో ఎంఎస్పీలు భాగస్వామ్యులు కావాలి- సీఐ

గ్రామాలలో శాంతి భద్రతల పరిరక్షణలో సచివాలయం మహిళా పోలీసులు (ఎంఎస్పీ) భాగస్వామ్యులు కావాలని బొబ్బిలి రూరల్ సీఐ నారాయణరావు ఆదేశించారు. రామభద్రపురం పోలీస్ స్టేషన్ లో ఎంఎస్పీలతో సమావేశమయ్యారు. సీఐ మాట్లాడుతూ వినాయక నవరాత్రి ఉత్సవాలలో భాగంగా నిమజ్జన కార్యక్రమాలు జరగనున్నాయనీ, పోలీసుల అనుమతులు లేకుండా చేసే అసాంఘిక కార్యకలాపాలపై దృష్టి సారించి శాంతి యుతంగా నిమజ్జనాలు జరిగేలా పర్యవేక్షణ చేయాలన్నారు.