కుక్కల దాడిలో 25 గొర్రె పిల్లలు మృతి

కుక్కల దాడిలో 25 గొర్రె పిల్లలు మృతి చెందిన సంఘటన గుర్ల మండలంలో ఆదివారం రాత్రి చోటు చేసుకుంది. చోడవరం గ్రామానికి చెందిన సక్క చిన్నయ్య అనే గొర్రెల కాపరి కి చెందిన గొర్రెపిల్లల పై కుక్కలు దాడి చేశాయి. ఈ దాడిలో 25 గొర్రె పిల్లలు మృతి చెందినట్లు చిన్నయ్య తెలిపాడు. దీంతో గొర్రెలు కాపరి తీవ్రంగా రోధిస్తున్నాడు. గొర్రెల పెంపకం తమ జీవనాధారమని తమను ప్రభుత్వం ఆదుకోవాలని వేడుకుంటున్నాడు.