విజయవాడ వరద బాధితులకు విరాళాల సేకరణ

మన్యం జిల్లా, కురుపాం మండలం నీలకంఠాపురం గ్రామస్థులు విజయవాడ వరద బాధితుల సహాయార్థం ట్రైబుల్ రైట్ ఫోరమ్ ఆధ్వర్యంలో శనివారం విరాళాలు సేకరించారు. వరదల కారణంగా ఎంతోమంది నిరాశ్రయులు అయ్యారని, ఈ విషయం ఎంతగానో బాధించిందని గ్రామస్థులు అన్నారు. తమ గ్రామం తరఫున కొంత నగదు, 7క్వింటాళ్ల బియ్యాన్ని సేకరించి వరద బాధితులకు అందజేస్తున్నట్లు పేర్కొన్నారు. కార్యక్రమంలో ఎస్సై నీలకంఠరావు, సర్పంచ్లు పాల్గొన్నారు.