ఆటోపై పడిన కరెంట్ స్తంభం
అనకాపల్లి జిల్లాలో ప్రమాదం తప్పింది. ఆదివారం రాత్రి నుంచి కురుస్తున్న వర్షాలకు బుచ్చయ్య పేట మండలం వడ్డాది జంక్షన్ సమీపంలోని మాడుగుల రోడ్డులో పార్క్ చేసి ఉన్న ఆటోపై కరెంట్ స్తంభం పడిపోయింది. సమీపంలో ఎవరూ లేకపోవడంతో పెను ప్రమాదం తప్పింది. ఈ ప్రమాదంలో అధికారి కృష్ణకు చెందిన ఆటో ధ్వంసమైంది. విద్యుత్ సిబ్బంది సరఫరాను నిలిపివేశారు.
