గాజువాకలో బాలకృష్ణ జన్మదిన వేడుకలు

గాజువాక స్టీల్ సిటీ నందమూరి ఫ్యాన్స్ అసోసియేషన్ అధ్యక్షుడు నమ్మి గౌరీశ్వరరావు ఆధ్వర్యంలో శనివారం 59వ వార్డు హిమాచల్ నగర్ శ్రీ పెంటమాంబ అమ్మవారి ఆలయం పక్కన నందమూరి బాలకృష్ణ 63వ జన్మదిన వేడుకలు శనివారం ఘనంగా జరిగాయి. తొలుత కేక్ కటింగ్ చేసి కార్యక్రమానికి హాజరైన మహిళలకు, అభిమానులకు తేనీటి విందు ఏర్పాటు చేశారు. అనంతరం శ్రీ పెంటమాంబ ఆలయ ట్రస్ట్ సహకారంతో ఆలయ వ్యవస్థాపకులు కీర్తిశేషులు నమ్మి సైదులు జ్ఞాపకార్థం స్థానిక మహిళలందరికీ చీరలు పంపిణీ చేశారు.