ఏలూరు: ఈవీఎం యంత్రాల గోడౌన్ తనిఖీ చేసిన కలెక్టర్

ఏలూరు కలెక్టరేట్లో ఉన్న ఈవీఎం యంత్రాలు, వీవీప్యాట్లు భధ్రపరిచే గోడౌన్ ను ఏలూరు జిల్లా కలెక్టర్ వెట్రిసెల్వి బుధవారం తనిఖీ చేశారు. ఈవీఎం గోడౌన్ తనిఖీలో భాగంగా ఈవీఎం గోడౌన్ యొక్క తాళాలు, సీసీ కెమెరాలు పనితీరు, అగ్నిమాపక దళ పరికరాలు మొదలైనవి పరిశీలించారు. అనంతరం సెక్యూరిటీ లాగ్ బుక్ ను పరిశీలించి సంతకం చేశారు. ఈవీఎం గోడౌన్ వద్ద విధులు నిర్వహిస్తున్న పోలీస్ గార్డులు నిరంతరం అప్రమత్తంగా ఉండాలన్నారు.