పాలకొల్లు: అన్నదాన కార్యక్రమాన్ని ప్రారంభించిన మంత్రి నిమ్మల

కార్తీకమాసం సందర్భంగా పంచారామ క్షేత్రాల్లో ఒకటైన పాలకొల్లు క్షీరా రామలింగేశ్వర స్వామి ఆలయానికి వచ్చే భక్తుల సౌకర్యార్థం, దాతల సహకారంతో స్థానిక రేపాక వారి సత్రంలో అన్నదాన కార్యక్రమాన్ని శనివారం ఏర్పాటు చేశారు. ఈ కార్యక్రమాన్ని రాష్ట్ర జలవనరుల శాఖా మంత్రి డా. నిమ్మల రామానాయుడు శనివారం స్వయంగా ప్రారంభించారు. మాజీ ఎమ్మెల్సీ అంగర రామ్మోహన్, ఆలయ కార్యనిర్వహణాధికారి ముచ్చర్ల శ్రీనివాసరావు, తదితరులు పాల్గొన్నారు.