వడోదరలోని ఎంఎస్ యూనివర్సిటీలో 11 అడుగుల భారీ మొసలి ప్రత్యక్షం

గుజరాత్ లోని వడోదరలో ఉన్న మహారాజా సాయాజీరావు యూనివర్సిటీ ఆఫ్ బరోడా క్యాంపస్ లో గురువారం భారీ మొసలి ప్రత్యక్షమైంది. మగ్గర్ రకానికి చెందిన ఈ మొసలి 11 అడుగుల పొడవున్నట్లు అధికారులు తెలిపారు. వర్సిటీలోని జూవాలజీ విభాగం సమీపంలో ఈ మొసలి కనిపించింది. ఈ మొసలి విశ్వామిత్ర నది నుంచి ఇక్కడికి వచ్చి ఉంటుందని అధికారులు తెలిపారు. గత నెలలో వడోదరలో 21 మొసళ్లను అధికారులు రక్షించారు.