గత ఐదేళ్ళలో ఒడిశాలో 572 మంది గిరిజన బాలికలు, మహిళలపై అత్యాచారం

మహిళల భద్రతపై ఒడిశా మంత్రి కీలక ప్రకటన చేశారు. ఒడిశా రాష్ట్రంలో గిరిజన బాలికలకు భద్రత లేదని రాష్ట్ర షెడ్యూల్డ్ కుల-తెగ మంత్రి నిత్యానంద్ గోండ్ తెలిపారు. రాష్ట్ర శాసనసభలో గోండ్ ఈ సమాచారం ఇచ్చారు. గత ఐదేళ్లలో 572 మంది గిరిజన బాలికలు, మహిళలపై అత్యాచారాలు జరిగాయన్నారు. కాంగ్రెస్ ఎమ్మెల్యే తారా ప్రసాద్ బహినీపతి ఒక ప్రశ్న అడిగినప్పుడు ఈ విషయం వెల్లడైంది. దానికి సమాధానంగా గోండ్ గత ఐదేళ్లలో 572 మంది గిరిజన బాలికలపై అత్యాచారానికి గురయ్యారని తెలిపారు.