బకెట్లో పడి 10 నెలల బాలుడు మృతి

కొమురంభీం జిల్లాలో విషాదం చోటుచేసుకుంది. గురువారం వాంకిడి మండలంలో ప్రమాదవశాత్తు పది నెలల బాలుడు బకెట్లో పడి మృతి చెందాడు. పోలీసుల వివరాల ప్రకారం. తేజాపూర్ గ్రామానికి చెందిన గిర్మాజీ- సునీత దంపతుల కుమారుడు తన్వీజ్ ఆడుకుంటూ వెళ్లి బాత్ రూమ్లో ఉన్న బకెట్లో పడిపోయాడు. కుటుంబ సభ్యులు వెళ్లి చూసేసరికి బాలుడు మృతి చెంది కనిపించాడు. కేసు నమోదు చేసుకొని దర్యాప్తు చేపట్టినట్లు ఏఎస్ఐ పోశెట్టి తెలిపారు.