పొట్టేలు పిల్లల పెంపకంలో మెలకువలు

మొదటిసారి గొర్రెల పెంపకం చేపట్టే వారు 50 ఆడగొర్రెలు, రెండు విత్తనపు పొట్టేళ్లతో ప్రారంభించడం శ్రేయస్కరం. రెండు నుంచి రెండున్నర సంవత్సరాల వయస్సున్న ఆడగొర్రెలను ఎంపిక చేసుకోవాలి. విత్తన పొట్టేలు 10-20 నెలలు వయసు కలిగి ఉండాలి. త్వరగా లాభాల కోసం గొర్రెల పెంపకం చేపడితే 2-3 నెలల వయసు కలిగిన 15-20 పిల్లలను కొనుగోలు చేసి వాటిని 6-8 మాసాలు పెంచి 30-35 కిలోల బరువుకు చేరుకోగానే మార్కెటింగ్ చేసుకోవాలి.