మంచిర్యాల జిల్లాలో పెద్ద పులి సంచారం

TG: మంచిర్యాల జిల్లాలో పెద్ద పులి సంచారం కలకలం రేపింది. కాసిపేట మండలం పెద్ద ధర్మారం సమీపంలోకి పెద్దపులి వచ్చింది. గ్రామానికి సమీపంలోని రహదారిపై పులి అడుగులు కనిపించడంతో ప్రజలు భయాందోళనలకు గురవుతున్నారు. పంటచేన్లలో కాపలా ఉన్న కొందరికి పెద్దపులి అరుపులు వినిపించినట్లు చెప్పారని స్థానికులు తెలిపారు. దీంతో అటవీ శాఖ సిబ్బందిని అధికారులు అప్రమత్తం చేశారు. వ్యవసాయ కూలీలు, పశువుల కాపర్లు అడవి ప్రాంతంలోకి వెళ్లవద్దని సూచించారు.