బీజేపీ విజయంతో వాటికి తెర పడినట్లయింది: అమిత్‌ షా

మహారాష్ట్రలో ఇటీవల జరిగిన అసెంబ్లీ ఎన్నికల్లో బీజేపీ విజయంతో శరద్ పవార్‌ రాజకీయాలకు తెర పడినట్లయిందని కేంద్ర హోంమంత్రి అమిత్‌ షా అన్నారు. ఎన్‌సీపీ (ఎస్పీ) అధినేత శరద్‌ పవార్‌పై ఆయన తీవ్ర స్థాయిలో ధ్వజమెత్తారు. మహారాష్ట్రలో 1978 నుంచి పవార్‌ ఓ రకమైన రాజకీయాలు చేశారని, వాటికి ఇప్పుడు తెరపడిందన్నారు. తద్వారా రాష్ట్రంలో సుస్థిర ప్రభుత్వాన్ని ఏర్పాటు చేయాలన్న తమ సంకల్పం నెరవేరిందని చెప్పారు.