ప్రకాశం బ్యారేజీని ఢీకొట్టిన పడవలు.. కుట్రకోణంపై పోలీసులకు ఫిర్యాదు చేసిన ఇరిగేషన్ అధికారులు

ప్రకాశం బ్యారేజీ గేట్లను పడవలు ఢీకొట్టిన ఘటనపై పోలీసులకు ఇరిగేషన్ అధికారులు ఫిర్యాదు చేశారు. ఈ నెల ఒకటో తేదీ తెల్లవారుజామున 3 భారీ పడవలు, ఒక చిన్న పడవ విజయవాడలోని బ్యారేజీ గేట్లను ఢీకొట్టాయి. ఒకేసారి నాలుగు పడవలు ఢీకొట్టడం వెనుక కుట్రకోణం ఉందేమోనని, సమగ్ర దర్యాప్తు చేపట్టాలని ఫిర్యాదులో వారు పేర్కొన్నారు. కాగా పడవలు ఢీకొట్టడంతో 2 గేట్లకు ఉన్న కౌంటర్ వెయిట్లు ధ్వంసమయ్యాయి.