దారుణం.. స్కూల్‌ డ్రెస్‌లోనే చెట్టుకు వేలాడుతూ ఇద్దరు బాలికల మృతదేహాలు

ఒడిశాలోని మల్కన్‌గిరి జిల్లాలో దారుణం జరిగింది. స్కూల్‌ డ్రెస్‌లో ఇద్దరు బాలికల మృతదేహాలు చెట్టుకు వేలాడుతూ కనిపించాయి. వివరాల్లోకి వెళితే.. ఫిబ్రవరి 6న జిల్లాలోని స్థానిక పాఠశాలలో 7వ తరగతి చదువుతున్న ఇద్దరు బాలికలు అదృశ్యయ్యారు. స్కూల్‌ నుంచి ఆ బాలికలు ఇంటికి రాలేదు. వారికోసం తల్లిదండ్రులు గాలించారు. ఎక్కడా కనిపించకపోవడంతో పోలీసులకు ఫిర్యాదు చేశారు. అయితే అడవిలోని ఒక చెట్టుకు ఆ బాలికల మృతదేహాలు వేలాడుతుండటం చూసి స్థానికులు పోలీసులకు సమాచారం ఇచ్చారు.