నవంబర్‌ 6 నుంచి తెలంగాణలో కులగణన

దేశంలో తొలిసారిగా తెలంగాణలో కులగణన చేపట్టనున్నారు. నవంబర్‌ 6 నుంచి కులగణన ప్రక్రియ ప్రారంభం కానుంది. నవంబర్‌ 6న కాంగ్రెస్‌ అగ్రనేత రాహుల్‌ గాంధీని ఆహ్వానించాలని రాష్ట్ర నాయకత్వం యోచిస్తోంది. ఈ మేరకు గాంధీ భవన్‌లో పీసీసీ అధ్యక్షుడు మహేశ్‌కుమార్‌ గౌడ్‌ అధ్యక్షతన నిర్వహించిన సమావేశంలో నిర్ణయం తీసుకున్నారు. కార్యక్రమంలో సీఎం రేవంత్‌రెడ్డి, డిప్యూటీ సీఎం భట్టి విక్రమార్క పాల్గొన్నారు.