యాదాద్రి ఆలయంలో భక్తులకు డ్రెస్‌ కోడ్‌

యాదాద్రి లక్ష్మీనరసింహస్వామి ఆలయంలో భక్తులకు డ్రెస్ కోడ్ తప్పనిసరి కానుంది. స్వామి వారి నిత్య కళ్యాణం, హోమం, జోడు సేవలు, శ్రీసుదర్శన నారసింహ హోమం, వ్రతాలు సహా ఆర్జిత సేవల్లో పాల్గొనే భక్తులు జూన్ 1 నుంచి తప్పనిసరిగా సంప్రదాయ దుస్తులు ధరించాలని ఆలయ అధికారులు తెలిపారు. వీఐపీ బ్రేక్ దర్శనానికి కూడా డ్రెస్ కోడ్ తప్పనిసరి చేశారు. కాగా ఉచిత దర్శనానికి వచ్చే భక్తులకు దీని నుంచి మినహాయింపు కల్పించారు.