డెహ్రాడూన్‌లో ఘోర రోడ్డు ప్రమాదం.. ఒకరి దుర్మరణం

ఉత్తరాఖండ్ లోని డెహ్రాడూన్‌లో ఘోర రోడ్డు ప్రమాదం జరిగింది. శుక్రవారం తెల్లవారుజామున జరిగిన ఈ ప్రమాదంలో ఒకరు ప్రాణాలు కోల్పోగా.. ముగ్గురికి తీవ్ర గాయాలయ్యాయి. డెహ్రాడూన్‌లోని ఢిల్లీ జాతీయ రహదారిపై ఉన్న చెక్‌పోస్ట్ వద్ద ఓ వాహనాన్ని చెక్ చేసేందుకు ఆధికారులు ఆపగా.. డ్రైవర్ సడన్ బ్రేక్ వేశాడు. దీంతో వెనకాలే ఉన్న వాహనాలు ఒకదానికొకటి ఢీకొని ఈ ప్రమాదం జరిగింది. ఈ ఘటనలో సుఖ్‌‌దేవ్ అనే వ్యక్తి మృతి చెందినట్లు పోలీసులు తెలిపారు.