ప్రత్యేక హోదా హామీని నెరవేర్చుతారా? కాంగ్రెస్

ఆంధ్రప్రదేశ్‌, బిహార్‌ రాష్ట్రాలకు ప్రత్యేక హోదా కల్పిస్తామన్న హామీని నెరవేర్చుతారా అని ప్రధాని మోదీని కాంగ్రెస్ పార్టీ ప్రధాన కార్యదర్శి జైరాం రమేశ్ ప్రశ్నించారు. మోదీ 3. 0 ప్రభుత్వం ఏర్పడుతుందని పదేపదే చెబుతున్నారని, అయితే ఇది మోదీ 1/3 ప్రభుత్వమని ఎద్దేవా చేశారు. ‘తిరుపతిలో ఏపీకి భారీ పెట్టుబడులు వచ్చేలా ప్రత్యేక హోదా కల్పిస్తామని హామీ ఇచ్చి పదేళ్లు గడుస్తున్నా అది జరగలేదు. ఇప్పుడు ఆ హామీని నెరవేరుస్తారా? అని నిలదీశారు.